第一次去speed dating,呢位網友竟然發誓唔會再去..

2018-07-28 By admin

第一次去speed dating,呢位網友竟然發誓唔會再去..

想知道究竟speed dating係點,以下為一網友於網上分享speed dating既經驗

男朋友分手仲未有拖拍,跟住俾個fd捉住我去speed dating,呢次係我第一次,本身都無咩抱住期望,諗住玩下食下飯就算,但今次經歷令我極差…

呢個係一個幾傳統既dating,五對男女互相坐係對面,向對面自我介紹,之後就輪位坐,講完之後女士可以簡一個有好感既男士,相反男士都係,如果有match既最好,無既話random繼續加深認識…

但問題係五個男人完全唔好,錢係有既但一係樣衰,一係矮,我是但寫一個最高既,但最尾唔中,分左個又毒又矮既又有口臭既男人比我,佢仲要好似幾鍾意我,一路傾一路激動到噴口水,我除左笑之外都唔知點好,到最尾走果陣個男人仲扯住我叫我俾facebook佢add,我真係頂唔順直接講話無興趣俾你,直接收佢皮,拿拿林走,佢仲想追過黎繼續問,好彩我個fd係到擋住佢,真係好恐怖..

 

睇完係咪好驚?睇埋下面呢個又點講,同樣係分享第一次speed dating既經驗!

最近去了個數字speed dating 整曲奇的。我原本沒有任何speed dating概念就報左名去參加!報名時寫時間2個半鐘名額28人(一半男一半女)最後系超時給多了2個人(姐系30人)!個會場系好鬼細400尺左右,剛好容納我們30人給有一條路仔行(這不是重點)!開始進入正題到達會場後隨機編排partner整曲奇1對1。這個過程幾好玩我覺得有得食有得拎,整完之後惡夢就開始啦,時間用了個半鐘整曲奇剩下一小時,之後主持人按排1對1傾計(都系在這個400尺內傾計)。問題黎啦!1對1有15個機會要在一小時內完成姐系60/15=4!!!每個人傾4分鐘我可以傾到d咩?仲有我要去記住佢地個名同樣及傾個d咩其實我系咪應該先去記憶力訓練班!?60分鐘不斷重複講同一樣說話15次最後我口乾但冇水飲及我根本認唔到幾多人!最後要填份表格寫想識邊個之後交俾工作人員我記憶力差只剔了2個(根本沒時間傾計只好用感覺去剔)!花生位:我交完表格後我就在門口等電梯時聽到有個職員問個剛交表的男話你未剔喎!個男仔話唔系好岩喎,好cool咁走左去,我心諗唔怪得之你冇女朋友啦又唔照下塊鏡要求咁鬼高更系冇女啦唔通你黎speed dating想找個NANA咩(個人覺得有2-3個女仔唔差)黎得speed dating咪要求咁高!總結:我唔會再去這種speed dating,根本浪費時間傾唔到計只能靠外貌拎電話。